Atentati mafioz ditën e djeshme në Shkodër ku mbeti i vrarë Fatos Ferracaku dhe u plagos Fatmir Meaj vjen pas një seri ngjarjesh kriminale në Shkodër gjatë këtij viti ku në qytetin verior janë vrarë 7 persona, ndërsa dy të tjerë figurojnë të zhdukur.
Në lidhje me ngjarjen e rëndë ka reaguar edhe Mirela Ferracaku, ish deputetja e Kuvendit të Shqipërisë e cila zëvendësoi Martk Frrokun në 2015 pasi ai hoqi dorë nga mandati i tij.Mirela Ferracaku është dhe kushërira e viktimës Fatos Ferrcaku.
Përmes një postimi në rrjetet sociale ajo ka shprehur ngushëllimet për të afërmin e saj dhe shpërthen ndaj gjendjes së kriminalitetit në vend.
“ Cfare po ndodhe me Shqiperin tone; cdo dite po veshesh ne Zi, cdo dite po shuhen djeme te ri. Jemi bere me keq se kafshet duke hanger njeri tjetrin. Vrasim, presim sikur te ishin zogj pulash. Normal! Shtet ska, ligje ska..!Asnje drite shpreset per Shqiprin tone…! Qofsh lule e xhehnetit kush”, shkruan ajo.
(B.H/Faxweb)
