Një ngjarje e rëndë ka ndodhur në Shkodër ku si pasojë e një atentati mafioz ka mbetur i vdekur Fatos Ferracaku dhe i plagosur mbeti Fatmir Mehaj. Sipas dëshmitarëve, personat që kanë qëlluar kanë qenë dy, në një motoçikletë.
Ndërkohë viktima Fatos Ferracaku është kushëriri i biznesmenit të ekzekutuar në muajin shtator në Shkodër, Arjan Ferracaku, i cili u qëllua me breshëri në Livadh, afër liqenit të Shkodrës, tek sa kalëronte me Astmer Bilalin.
Kjo ngjarje e rëndë në qytetin verior vjen vetëm një ditë pas vizitës së zv. ministrit Sandër Lleshaj në Shkodër ku kërkoi rritjen e sigurisë në këtë qytet. Por gjithashtu vjen edhe pas deklaratës së kryeministrit Rama i cili duke iu referuar ngjarjeve kriminale u shpreh se “kokat hënkshin”. (B.H/Faxweb)
Discussion about this post