Një ngjarje e rëndë ka tronditur në orët e vona pas mesnate qytetin e Dibrës së Madhe në Maqedoni, ku u gjetën të vrarë tre anëtarët e një familjeje shqiptare.
Viktimat janë identifikuar si Amid Pocesta i lindur në vitin 1963, bashkëshorten e tij Nazmije Pocesta e lindur në vitin 1965 dhe vajzën e tyre Anila Pocesta e lindur në vitin 2004.
Sipas informacioneve jozyrtare të Agjencisë së Lajmeve Zhurnal, dhëndri ka vrarë kunatin, bashkëshorten e kunatit, dhe vajzën e tyre 13 vjeçare.
Sipas burimeve të agjencisë konflikti ka ndodhur për çështje pronësie. Të tre viktimat ishin kthyer në Dibër pak ditë më parë për pushime, pasi prej vitesh jetonin në Itali.
Vijojnë ende hetimet deri në zbulimin e plotë të kësaj ngjarjeje makabre.
(E.K/FAXWEB.AL)
