Dy vjet më parë në Ankona të Italisë u vra shqiptari Ismail Luli. 17-vjeçari u gjet me fytin e prerë në kodrat e Sant’Angelo në Vado, i cili u vra nga dy të rinj shqiptarë. Pas 4 orë aktakuze, prokurorja Irene Lilliu i ka kërkuar Gjykatës së Pesaros burgim të përjetshëm për të dy 20-vjeçarët shqiptarë, Igli Meta dhe Marjo Mema, që vranë nxënësin 17-vjeçar.
Sipas hetimeve kjo vrasje erdhi për arsye pasioni por ekzekutimi u krye me gjakftohtësi dhe barbarizëm. Prokuroria italiane ka kërkuar që të mos ketë rrethana lehtësuese për dy të rinjtë, pavarësisht moshës së re dhe mungesës së precedentëve penalë, për shkak të ftohtësisë dhe mizorisë me të cilën dy të rinjtë shqiptarë e kanë kryer krimin.
Sipas prokurores të rinjtë meritojnë burg të përjetshëm për krimin e vrasjes së rëndë me paramendim dhe mizori; fshehje e kufomës dhe shpërndarje droge.
Prokurorja është e bindur se të dy kanë bashkëpunuar plotësisht për kryerjen e vrasjes edhe pse të rinjë kanë fajësuar njëri tjetrin për krimin e kryer. Nëna e viktimës, Debora Luli përshëndeti kërkesën e prokurorisë, ndërsa nëna e një prej autorëve, Marjos shpërtheu në lot.
Seanca e radhës për përfundimet është përcaktuar më 30 mars, ndërsa sentenca do jepet më 12 prill.
Ngjarja:
19 korrik të 2015-ës 17 -vjeçari u vra si hakmarrje kundër Ismailit, ‘fajtor’ se kishte patur një marrëdhënie të fshehtë me të fejuarën e Iglit. Ky i fundit u njoftua nga një mik për tradhtinë dhe që nga ai moment mendoi si të vinte në zbatim hakmarrjen e tij.
(J.V/Shuplaka)
Discussion about this post