Vrasja me thikë në Borsh, ja si policia arreston në pyll autorët (VIDEO)

Pas ngjarjes së rëndë në Borsh ku mbeti i vrarë shtetasi Përparim Bega dhe u plagosën tre të tjerë, policia ka arrestuar edhe dy autorët e tjerë të dyshuar, Thanas Hodo, 26 vjeç, banues në Borsh dhe Xhonatan Muço, 20 vjeç, banues në Vlorë.

Ata u kapën në një zonë të pyllëzuar, ku edhe fshiheshin, në fshatin e Kudhës.

DETAJET E POLICISË:

Finalizohet operacioni për kapjen e autorëve të konfliktit të ndodhur në Borsh të Sarandës.

Në operacion u përfshinë 30 forca policore, konkretisht:

Dy grupe të FNSH-së, forca nga Komisariati i Policisë Sarandë, Stacioni i Policisë Himarë dhe nga Drejtoria Vendore e Policisë Vlorë

Si rezultat i operacionit, ku u rrethua gjithë zona, u kapën dy autorët e tjerë të dyshuar të konfliktit me pasojë vdekjen e një shtetasi.

Operacioni në pyllin e fshatit Kudhës.

Si rezultat i reagimit të menjëhershëm dhe angazhimit maksimal të të gjitha strukturave të Drejtorisë Vendore të Policisë Vlorë, në bashkëpunim dhe me FNSH-në, është bërë e mundur që brenda pak orëve të kapen edhe dy shtetasit e tjerë të dyshuar si autorë të ngjarjes së ndodhur më datë 26.07.2017, rreth orës 00:40 në fshatin Borsh dhe konkretisht:

– Th. H, 26 vjeç, banues në Borsh.

– Xh. M, 20 vjeç, banues në Vlorë.

Autori tjetër i dyshuar R. Sh, 19 vjeç, banues në Vlorë, është arrestuar në flagrancë nga policia, pak minuta pasi ka ndodhur ngjarja.

Policia vijon punën për zbardhjen e plotë të ngjarjes.

((B.H/Shuplaka)

https://www.facebook.com/1502420603377639/videos/2007942596158768/