Ngjarja e rëndë që tronditi Vlorën, ku mbeti i vdekur Armando Rrapaj 23 vjeç, gjatë konfliktit me dy vëllezërit Merkaj, vijon ende të shkaktojë përplasje mes familjeve.
Mësohet se nga një dëshmi e bërë nga krushqit e viktimës Armando Rrapaj, 27-vjeçari Klevis Merkaj përfshihet sërish në krim pavarësisht se i vëllai Novruz Merkaj mori përsipër vrasjen e të riut.
Familjet Rrapaj dhe Merkaj kane pasur një lidhje krushqie të përbashkët. Vjehrra e vëllait të Armando Rrapajt (viktimës) fajëson Klevis Merkaj që është dhe burri i thjeshtrës së saj për krimin. Në dëshminë e dhënë për një portal online, Rajmonda Nurçe sqaron se dy vëllezërit, Klevis dhe Novrus Merkaj kanë shkuar në banesën e saj për të kërkuar vëllain e viktimës (Endri Rrapaj) teksa kërcënonin se do ta vrisnin.
“Për të sqaruar këtë situatë dhe për shuar debatin mes palëve unë mora në telefon Armandon, ndërsa vëllezërit Merkaj dhe nëna e tyre kanë sulmuar mbi të duke shkaktuar vdekjen e tij nga plaga e marrë në zemër”, është shprehur ajo. Të njëjtin qëndrim ka mbajtur edhe bashkëshorti i saj, e njëherazi vjehrri i Klevis Merkaj, i cili ka kërkuar që dhëndri dhe e bija të merren në pyetje nga policia.
Nga ana tjetër, Klevis Merkaj ka hedhur poshtë këto pretendime, duke u shprehur se u thirr nga viktima për sqarim e më pas u sulmua nga 6 veta. Ai shpjegon se nëna e tij ndërhyri për ta mbrojtur, por mbeti e plagosur.
“Në atë moment rastisi dhe mamaja ime, e cila ka ndërhyrë për të më shpëtuar por është dhunuar dhe ajo dhe aktualisht është në spitalin ushtarak në Tiranë në gjendje të rëndë”, tregon Klevis Merkaj.
Ai ka akuzuar njerkën e bashkëshortes dhe vjehrrin e tij se kanë dashur ta trafikojnë vajzën 14-vjeçare, akuza që i ka bërë edhe e mitura, bashkëshorte e Klevis Merkaj. (XH.A/SHUPLAKA)
Discussion about this post