Vrasja në autostradë, si e arrestoi babanë e Saimir Tahirit në 2013-tën Ervin Dalipaj

Një ngjarje e rëndë ka ndodhur para pak minutash në afërsi të Sukthit, përgjatë autostradës Tiranë-Durrës.

Dy persona janë qëlluar brenda automjetit të tyre dhe kanë gjetur vdekjen e menjëhershme. Automjeti i tyre ka qenë në lëvizje në momentin që është qëlluar me breshëri plumbash.

Njëri prej viktimave është identifikuar si Ervin Dalipaj i akuzuar më parrë për një vrasje në bashkëpunim. Pavarësisht se Dalipaj ka qenë në kërkim nga Policia e Shtetit më parë u gjet nga armiqtë sesa nga vetë Policia.

Ish-efektivi i Policisë, Ervin Dalipaj, i cili është shpallur në kërkim si bashkautor i vrasjes së Gazmend Çollakut është personi që i vuri prangat babait të ministrit Saimir Tahiri në vitin 2013, nën akuzën e kontrabandës së medikamenteve.

Babai i ministrit, Bashkim Tahiri, së bashku me dy persona të tjerë, u arrestua më 25 mars të vitit 2013 për kontrabandë ilaçesh.

Në atë kohë, Ervin Dalipaj ishte shef i Sektorit Kundër Krimit Ekonomik në Drejtorinë e Policisë Tiranë dhe në atë kohë drejtonte hetimet ndaj babait të Saimir Tahirit, duke çuar në arrestimin e tij. Megjithatë, disa javë më vonë, babai i Tahirit u lirua nga të gjitha akuzat.