Gazetari Artan Hoxha në studion e emisionit “Opinion” ka shpjeguar në mënyrë të detajuar vrasjen e ndodhur në zonën e Ish-Bllokut.
Shpjegimin e tij gazetari e ka mbështetur në videon e regjistruar nga kamerat e sigurisë në lokalin ku ndodhi ngjarja.
Teksa ka analizuar se gjithçka ka ndodhur brenda 1 kohe jo më shumë se 90 sekonda, Hoxha ka treguar se Meviol Billo ka qëlluar në një pozicion gjysmë të ulur, ndërkohë që pas ngjarjes është larguar qetësisht, por duke qëndruar në zonën e Bllokut.
Hoxha tha se sipas informacioneve të tij, Meviol Billo dhe Ervin Mata pasi kanë dalë nga lokali kanë qëndruar në zonën e Bllokut për të parë se si do zhvilloheshin ngjarjet dhe kanë pritur derisa situata është qetësuar.
‘’Personat që janë përfshirë në këtë ngjarje, të kësaj përplasje nuk janë larguar nga Blloku. Kanë qëndruar për disa orë aty, derisa është qetësuar situata. Mbas orës 12 aty erdhën aq shumë njerëz saqë ti nuk mund ta identifikoje dot më se kush ishin autorët”, u shpreh Hoxha.
(E.K/FAXWEB.AL)
Discussion about this post