Të tjera detaje janë zbuluar në lidhje me vrasjen e ndodhur në Terni të Italisë, ku vetëm një ditë më parë u qëllua për vdekje shqiptari Durim Hyseni.
I arrestuari për krimin, 60-vjeçari Kujtim Beli ka rrëfyer në polici se ka qenë mik me muratorin shqiptar, ndërsa ka rrëfyer edhe arsyet se përse e ka kryer krimin.
Sipas Belit, Demir Hyseni kishte pasur në të kaluarën një histori dashurie me bashkëshorten e tij në vitin 2013. Pavarësisht se nga bashkëshortja tanimë është divorcuar dhe ajo jeton në Gjermani, Beli duket se nuk ia ka falur kurrë tradhëtinë mikut të tij.
“Kujtim Beli ishte i bindur që Durim Hyseni, mik i vjetër i familjes, kishte pasur më parë një lidhje me ish-gruan e tij, që tani jeton në Gjermani”, është shprehur kreu i Policisë së Ternit që ka hetuar dhe zbardhur vrasjen.
“Umbria On” shkruan se pas këtij rrëfimi, prokuroria zyrtarizoi urdhrin e arrestit duke e cilësuar si “Krim pasionant për motive të dobëta”.
Më tej, mediat italiane shkruajnë se Beli kishte shkuar në Itali në 10 korrik dhe synimi i udhëtimit duket se ka qenë pikërisht vrasja e Hysenit.
Po ashtu, një ditë para vrasjes Beli e kishte telefonuar viktimën për t’i thënë se ndodhej në Itali dhe për t’i kërkonte ta ndihmonte me një vend pune.
Kjo është telefonata që ka ndihmuar policinë të bjerë në gjurmët e Belit, i cili u arrestua 12 orë pas krimit në afërsi të portit të Barit. (D.D/Shuplaka)
Discussion about this post