Vrasja e agron Xhezairit dy ditë më parë në Ksamil mbetet ende e pazbardhur. Edhe pse u fol fillimisht dje se për vrasjen e tij u shoqëruan në polici 6 persona që mund të kishin dijeni për ngjarjen, sot askush nuk është i ndaluar.
Mes të shoqëruarve të djeshëm ishin edhe familjarët e Bardhit. Ndërkoë që pista e gjakmarrjes mbetet ajo kryesore në të cilën po zhvillohen hetimet e policisë.
Sipas disa burimeve nga Policia e Sarandës, mendohet se vrasja e Xhezairit të jetë kryer nga një person i paguar.
Edhe sipas dëshmisë së kunatës e cila ka qenë dëshmitarja e vetme e krimit, ajo ka parë që të largohet vetëm një person. Vrasësi ka vepruar me gjakftohtësi duke qëlluar disa herë mbi trupin e viktimës, ka zgjedhur pozicionin nga ku nuk shihej dhe është larguar nga vendngjarja pa lënë gjurmë.
Discussion about this post