Pak minuta pas raportimit për një vrasje në Tiranë, të tjera informacione dalin në dritë. Mësohet se viktima është ish-drejtori i Policisë së Vlorës, Artan Cuku.
Cuku ka qenë punonjës në Policinë e Shtetit ku ka mbajtur edhe detyra të rëndësishme në Tiranë dhe në rrethe të tjera të vendit. Ai ka punuar si zëvendës drejtor i policisë së Tiranës apo dhe drejtor i Policisë së Vlorës nga viti nga 2012 deri në vitin 2013.
Ndërsa nga viti 2009 deri në vitin 2011, ka qenë nëndrejtor i Policisë për Krimet e Rënda në Tiranë
Ish-drejtori i policisë është ekzekutuar në derë të shtëpisë nga persona të panjohur. Ndërkohë policia ka nisur hetimet për të zbuluar të tjera detaje mbi ngjarjen. (D.D/Shuplaka)
Discussion about this post