Vrasja në Vlorë, si filloi gjithçka për një “shuplakë”

Dy ditë pas masakrës në Vlorë, ku humbi jetën një i ri dhe mbetën të plagosur edhe tre persona të tjerë, policia ka zbuluar të tjera detaje.

Kanë qenë kamerat e lokalit pranë Lungomares ato të cilat kanë shërbyer për identifikimin e autorëve

Në orët e para të mëngjesit të kaluar, u arrestua Gani Tozaj. Gjatë arrestimit policia konstatoi se 19 vjeçari i kishte atletet me gjak.

Pas arrestimit, Tozaj ka rrëfyer se si ka nisur sherri në lokal. Ai tregon se ndërkohë që ka qenë në tavolinë me Aranit Kondajn, pranë tyre është afruar i ndjeri Ergys Gjioveshaj.

Ata kanë debatuar ashpër me njëri-tjetrin, derisa në një moment Ergysi ka qëllur me pëllëmbë dikë nga personat që ndodheshin në tavolinë.

Kështu në tavolinën e Tozajt, armën janë nxjerrë sheshit dhe është qëlluar në drejtim të Gjioveshajt. Por nuk sqarohet se cili ka qënë tamam personi që ka qëlluar.

Ndërkohë të plagosur pas këtij debati kanë mbetur:
1- F.H., 28 vjeç, ndodhet në Spitalin e Vlorës (punonte si muzikant).
2- A.L., 26 vjeçe, ndodhet në Spitalin e Vlorës (kliente në lokal).
3- A.Ll., 33 vjeç, ndodhet në Spitalin e Tiranës (punonte si kamarier në lokal).
Të tre, në gjendje shëndetësore jashtë rrezikut për jetën. (D.D/Shuplaka)