Vetëm një orë na ndan nga protesta e paralajmëruar nga qytetarët dhe pjesëtarë të shoqërisë civile. Pas vrasjes së gjyqtares Fildez Hafizi, një grup qytetarësh paralajmëruan se do ngriheshin në protesta dhe sot po e mbajnë fjalën.
Në orën 17:30 nis protesta në nder të Fildez Hafizit dhe kundër dhunës ndaj grave. Protestuesit do të nisen në një marshim nga Ministria e Drejtësisë drejt Parlamentit për të protestuar kundër dhunës ndaj grave.
“Vdekja e paralajmëruar e Fildez Hafizit dhe e të gjitha grave shqiptare nga burrat e tyre që e përdorin martesën si një burg që përfundon në dënim me vdekje na kujton se duhet të rezistojmë dhe t’i themi jo dhunës. VRASJA NUK TE BEN BURRE! VRASJA TE BEN VRASES! Të bashkohemi të hënën për më shumë mbrojtje për vajzat, motrat, mamatë tona!” njoftonin një ditë më parë organizatorët e protestës.
Kujtojmë se gjyqtarja Fildez Hafizi, u vra nga ish-burri të enjten e kaluar. Pavarësisht se ajo ndihej e kërcënuar dhe u është drejtuar të gjitha institucioneve për ndihmë, kërkesat e saja kishin rënë në vesh të shurdhër pasi gjyqtarja përfundoi e vrarë. Ajo madje i kishtë dërguar një letër ku i kërkonte ndihmë edhe ambasadorit amerikan, Donald Lu. (D.D/Shuplaka)
Discussion about this post