Policia e Tiranës ka vënë në pranga 56-vjeçarin Myftar Pasha i cili akuzohet për “moskallzim krimi”, të kryer nga miku i tij (lexo këtu)
Ndërkohë që autori i dyshuar i vrasjes është Islam Myrtaj dhe vazhdon te jetë ende në kërkim nga forcat e policisë.
Kujtojmë që pasditen e djeshme në afërsi të Liqenit Artificial të Tiranës ndodhi një atentat ku mbeti i vdekur një 62-vjeçar, i identifikuar si Haxhi Baçinozi.
Njoftimi i policisë
Arrestohet një 56-vjeçar për “Moskallzim krimi” në lidhje me ngjarjen e ndodhur mbrëmjen e djeshme në rrugën “Bill Klinton”, ku mbeti i vrarë me armë zjarri shtetasi H. B.
Specialistët për Hetimin e Krimit ndaj Jetës dhe pronës në DVP Tiranë, arrestuan shtetasin:
M. P., 56 vjeç, banues në Tiranë
Ky shtetas në momentin e vrasjes së shtetasit H. B., dyshohet se ka qënë me autorin e vrasjes dhe nuk ka kallëzuar krimin.
Materialet iu referuan Prokurorisë së Rrethit Gjyqësor Tiranë për veprime të mëtejshme.
