Prokuroria e Udines ka ngritur dyshimin se ish-kapiteni i Fiorentinës, Davide Astori mund të jetë vrarë. Prokurori i Udines, Antonio De Nicolo, ka konfirmuar se kanë filluar hetimet nëse Astori mund të mos ketë qenë viktimë e një arresti të thjeshtë kardiak. Kapiteni i Fiorentinës, Davide Astori dje u gjet i vdekur në hotel, pak orë para ndeshjes me Udinesen, e vlefshme për Serie A.
“Ne kemi hapur një hetim penal për mundësi vrasjeje nga persona të panjohur. Ne do të bëjmë një autopsi, e cila do të kryhet shumë shpejt”, tha prokurori i Udines, Antonio De Nicolo për Radio Rai.
Futbollisti me 14 ndeshje me ‘Azzurrët’, u gjet i pa jetë në hotelin La Di More’, në Udine, aty ku ishte grumbulluar së bashku me skuadrën për të luajtur në stadiumin ‘Dacia Arena’. Ndeshja mes Udinezes dhe Fiorentinës u shty për shkak të tragjedisë, e po kështu edhe Xhenova-Kaljari. Futbollistët e Fiorentinës u shokuan kur morën vesh lajmin se kapiteni i ekipit u gjet pa jetë pak orë para ndeshjes.
Davide Astori, baba i një vajze 2-vjeçare, filloi në skuadrat e moshave të Milanit, por në karrierën e tij ka luajtur për 6 vjet me Kaljarin dhe një sezon me Romën.
Në vitin 2014 ai u bashkua me Romën, përpara se të bashkohej me Fiorentinën vitin e ardhshëm. Ai u bë kapiteni i La Viola nga Stefano Pioli më parë këtë sezon dhe kishte bërë 27 paraqitje gjatë fushatës aktuale, duke shënuar një herë. Astori kishte qenë kohët e fundit në bisedime me klubin mbi një kontratë të re.
Në total Astori bëri 262 paraqitje në Serinë A, duke shënuar gjashtë gola. Me kombëtaren e Italisë ai debutoi kundër Ukrainës në mars 2011.
Discussion about this post