Krimi i dyfishtë në familjen Curri në Durrës është zbardhur plotësisht dhe nga ekspertiza mjeko-ligjore. Sipas të dhënave zyrtare nipi ka vrarë gjyshen e cila ka qenë në gjumë dhe më pas ka vrarë edhe veten me armën e tij automatik-kallashnikov.
Kështu është mbyllur dosja dhe ngjarja është klasifikuar si vrasje dhe vetëvrasje. Në kraharorin dhe gjymtyrët e të moshuarës, Hurme Curri janë gjetur 5 plumba.
Policia pohoi se në vendngjarje gjeti 19 gëzhoja, si dhe 10 fishekë të pa plasur. Sipas policisë dyshohet se e gjithë ngjarja është rrjedhojë e depresionit në të cilën ndodhej 25-vjeçari. “I riu pas kthimit të tij nga Gjermania ka shfaqur shenja depresioni”, pohon policia.
Mesa duket 80-vjeçarja e kishte parandjerë një gjë të tillë, ndërsa mësohet se i kishte thënë familjarëve se i frikej se mos nipi i tij Ersidi bënte ndonjë çmenduri. Prej një viti 25-vjeçari jetonte me gjyshen, pas vdekjes të së atit dhe largimit të së ëmës në Itali.
Ka qenë xhaxhai i të riut dhe djali i së moshuarës ai që ka treguar momentin kur i ka gjetur të dy të mbuluar me gjak në banesë. Gjithashtu, xhaxhai i 23-vjeçarit që vrau gjyshen e tij dhe më pas u vetëvra tha se nipi i tij kishte kërkuar azil në Gjermani dhe ishte deportuar nga autoritetet e këtij shteti, pasi ishte treguar agresiv me pjesëtarët e familjes së tij gjatë qëndrimit atje. (E.K/SHUPLAKA)
Discussion about this post