Dy pasagjerë në një tren në qytetin Portland, të shtetit Oregon, humbën jetën dhe një i tretë gjendet i plagosur në gjendje të rëndë në spital, pasi u përpoqën të ndalojnë një burrë që shante dy gra, të cilat mendohen se ishin myslimane, shkruan Zëri i Amerikës.
Sulmuesi u arrestua më pas nga policia, e cila bëri të ditur të dhënat e tij: 35-vjeçari Jeremy Joseph Christian.
Dy gratë që u bënë objekt i ofendimit të tij mësohet se u larguan nga vendi i ngjarjes.
Procesi gjyqësor ndaj sulmuesit do të fillojë ditën e martë dhe ai do të përballet me një sërë akuzash, ndër to dy akuza për vrasje të rënduar, një akuzë për vrasje në tentativë, akuza për frikësim dhe mbajtje pa leje të armës.
(M.D/ Shuplaka)
Discussion about this post