Gazetari investigativ Aulon Kalaja, ishte i ftuar në studion e lajmeve të Fax News, për të folur mbi vrasjet e shqiptarëve në burgjet e Greqisë. Nisur nga ngjarja e fundit ku u masakrua Albert Bako, që vuante dënimin në burgun e Koridhalos, aktivisti shprehet se kjo ngjarje ishte e paralajmëruar, pasi sipas tij burgjet greke tashmë janë kthyer në një kasaphanë për shqiptarët.
“Janë pamje të paralajmëruara, pasi burgjet greke janë një kasapahnë për shqiptarët. Shqiptari është vrarë në datën 14 janar, këto janë pamje tronditëse, por ajo që e bën me të tmerrshëm rastin është vrasja e shqiptarit në sy të gardianëve në burg. Gardianët qëndrojnë si spektatorë në burgje.
Kjo situatë është kthyer në fenomen pasi janë kthyer në vatra spastrimi të shqiptarëve nga grupet kriminale.
Kujtojmë vrasjen e Ilia Karelit i cili është vrarë nga gardianët grekë, e gjithë kjo situatë nuk ka asnjë reagim nga pala shqiptare.
Ne kemi kërkuar informacion se çfarë ka ndodhur, nuk na është dhënë asnjë ndihmë. Gjithashtu shteti shqiptar nuk pati asnjë reagim nga Ministria e Jashtme.
Publikimi i videos është bërë nga mediat greke , ku e vetmja që reagoi është Ministria e Punëve të Jashtme greke”, tha Kalaja.
Ky i fundit e ka cilësuar si një fenomen të frikshëm vrasjen e shqiptarëve në Greqi pasi statistikat në shtetin fqinj janë alarmante.
“Në Greqi janë vrarë rrëth 18 shqiptarë nga policia në burgje dhe kufi, dhe nuk ka një hetim të brendshëm, policia greke ka pushtet të pakontrolluar.
Avokati i popullit nuk ka të drejtë të rekomandojë në burgje ndërsa në Shqipëri e parashikon ligji që avokati të ushtrojë kontroll. Në Greqi policia ka të drejtë të pakufizuar, nuk kontrollohet nga avokati. Duhet të kishte një reagim dinjitoz nga pala shqiptare, së pari të ngushëllonte familjen, dhe së dyti të kërkonte hetim të plotë në Greqi.
Marin Nikollën e hodhën nga kati i dytë pasi e vranë, Ilia Karelin e vranë gardianët me metodën xhudo madje ia hoqën zemrën nga vendi.
Vrasjen e shqiptarëve në Greqi ata e quajnë diçka ordinere duke ia vendosur emrin larje hesapesh”.
Lidhur me masat që duhen marrë për të parandaluar këto raste, gazetari është shprehur se duhet që autoritetet greke të mbyllin burgun e Koridhalosit pasi sipas tij ky është burgu më i frikshëm.
“Burgu i Koridhalosit është një nga burgjet më të frikshme, ose administrata është e paaftë ose i lejojnë vetë të ndodhin këto gjëra për larje hesapesh.
Ministria e Drejtësisë duhet të marrë masa urgjente që burgu i Koridhalos të mbyllet, dhe të evakuaohen të burgosurit.
Bashkëkombasit tanë duhet të mblidhen para ambasadës dhe të kërkojnë shpjegim dhe të drejtat e tyre”.
I pyetur me kompetencat që kanë konsullatat greke në Greqi.
Gazetari shprehet se ambasada shqiptare në Greqi duhet të reagojë me protesta të fuqishme si dhe të kërkojë një hetim të detajuar.
“Ambasada shqiptare në Greqi duhet të jetë dinjiotoze, të konsultohet me kryeministrin tonë, i cili nuk ia ka idenë se çfarë po ndodh. Ambasada sqiptare duhet të reagojë fuqishëm me protesta, na duhet një reagim i fortë pasi shqiptarët e kanë varrin të hapur në shtetin grek.
Kryeministri ynë e quan Greqinë një aleat strategjik por aleat strategjik, quhet kur ke zero probleme me fqinjët, sepse ky rast është problematik, ne kemi një ligj të hapur lufte me Greqinë, këto janë çështje që kryeministri ynë duhet të diskutojë dhe të reagojë”-u shpreh gazetari Kalaja.
(B.K/FAXWEB.AL)
