Pak kohë pas ekspertizës mjeko-ligjore, të afërmit e ish-shefit të krimit ekonomik në Tiranë Ervin Dalipaj dhe të Juxhin Dautit që u ekzekutuan sot me me një breshëri pumbash, kanë tërhequr trupat e të dashurve të tyre nga morgu i Durrësit.
Trupin e Dalipajt ka shkuar ta tërheqë kushëriri i tij Luan Dalipaj, që siç raporton “Balkanweb” ka shpëthyer në lot.
Mësohet se Luan Dalipaj i cili ishte në shoqërinë e bashkëshortes, në ambjentet e morgut është takuar edhe me familjarët e Juxhin Dautit.
Ata kanë komunikuar me njëri-tjetrin mes lotësh dhe britmash për shkak të dhimbjes për humbjen e të afërmve të tyre.
Mes lotësh, Dalipaj ka rrëfyer për herën e fundit kur është takuar me djalin e xhaxhait të tij, Ervin Dalipajn.
“Hera e fundit që e kam takuar ishte kur ishte shef policie, pastaj nuk e kam parë më.”, thotë ai dhe shpërthen më lot. (D.D/Shuplaka)
