I arrestuari për sulmin terrorist në Stamboll më 1 janar, ku mbetën të vdekur 39 persona dhe u plagosën 69 të tjerë, është rrëfyer lidhur me sulmin e asaj nate.
Ai ka deklaruar se kishte marrë urdhër nga Shteti Islamik për të kryer sulm terrorist në Turqi. Abdulgadir Masharipov ka dëshmuar se u urdhërua nga ISIS që të sulmonte sheshin “Taksim”, por plani ndryshoi për shkak të kushteve të larta të sigurisë.
Objektivi i sulmit ishte sheshi Taksim natën e ndërrimit të viteve, ishte porosi nga Raqqa, por për shkak të kushteve të larta të sigurisë u ndërrua në fund”- është shprehur ai, raporton ANSA.
Më tej, terroristi i Stambollit ka shpjeguar se u kërkua për një tjetër zonë dhe “Reina Club” u duk i përshtatshëm për shkak se nuk kishte masa të larta sigurie.
Abdulgadir Masharipov ka rrëfyer se nga kontaktet me qendrën e ISIS në Siri ranë dakord për lokalin mbi Bosfor, si objekti alternativ, në pamundësi të goditjes së sheshit “Taksim”.
Mësohet se në momentin e arrestimit të tij, u sekuestruan 197 mijë dollarë amerikanë, 2 pistoleta me karikatorë (nga të cilat njëra prej pistoletave është me ajër) dy dronë dhe dy sim kartela si dhe shumë materiale të tjera. (XH.A/SHUPLAKA)
Discussion about this post