Vrau bashkëshorten gjykatëse, Apeli lë në ‘burg përjetë” Fadil Kasemin

Gjykata e Apelit për Krime të Rënda ka lënë në fuqi vendimin e Shkallës së Parë “burgim i përjetshëm” për Fadil Kasemin, i akuzuar për vrasjen e ish- bashkëshortes së tij, gjyqtaren Fildes Hafizi

Kasemi akuzohet për vrasjen e ish-gruas së tij, Fildes Hafizi në gusht të 2017-ës në makinën e gjyqtares, pasi kjo e fundit kishte kërkuar divorcin prej tij.

Vrasja e gjyqtares ishte e paralajmëruar pasi Fadil Kasemi kishte tentuar dhe një herë tjetër vrasjen e saj në Durrës, në prani të djalit në 19 korrik të 2015-s.

Pamundësia për të përdorur armën dhe ndërhyrja e të birit dhe dëshmitarëve shmangën tragjedinë asokohe por Kasemi menjëherë pas lirimit nga burgu ndërmori sërish aktin ekstrem në gusht të 2017-s duke qëlluar për vdekje ish- bashkëshorten e tij Fildes Hafizi me të cilën kishte 2 fëmijë, një djalë dhe një vajzë.

Gjykata e Krimeve të rënda e dënoi me burgim të përjetshëm Kasemin duke mos i dhënë mundësinë e gjykimit të shkurtuar ndërsa mbi të rëndojnë akuzat e armëmbajtjes pa leje, rrëmbim dhe vrasje.

Sot Apeli la në fuqi të njëjtin dënim.