Një vit më parë Çelnik Shaholli vrau gruan e tij, vrasje për të cilën Gjykata e Krimeve të Rënda e ka dënuar sot me 35 vite burgim.
Ndërkohë Çallniku pas një viti u shfaq i penduar në sallën e gjyqit dhe këmbënguli se krimi ndodhi aksidentalisht, pas një debati që kishte patur me bashkëshorten.
Ardiana Shaholli nënën e gjashtë fëmijëve gjeti vdekjen si pasojë e plagëve të shumta që kishte marrë në pjesën e kokës si pasojë e goditjeve të të shoqit.
E gjithë ngjarja e rëndë ndodhi pas një debati të ashpër mes viktimës dhe autorit në banesën e tyre në lagjen 15 në Spitallë. Çifti ishte në vështirësi ekonomike, ato kishin 6 fëmijë dhe konfliktet mes tyre kishin disa kohë që kishin nisur.
Autori i vrasjes u shpreh rreth një vit më parë para organeve të drejtësisë: “Kur shkova në shtëpi gruaja nuk kishte gatuar asgjë. Më tha që isha te nëna ime se ishte pa qef, por u acarova dhe nuk e përmbajta dot veten.
E godita me çfarë gjeta rrotull, por jo për ta vrarë. Ajo kishte qenë si cdo ditë në punë dhe pas punës kishte qëndruar kë prindërit e saj, nuk kishte ardhur direkt në shtëpi për të gatuar”, kishte thënë më herët në sallën e gjyqit 43-vjeçari, Shaholli nga Maliqi i Korçës, e me banim në Durrës.
NGJARJA
Ngjarja makabre ndodhi në Durrës, në lagjen numër 15, mbrëmjen e 8 majit 2018. Pas krimit, në gjendje mjaft të rëndë psikologjike, Çlirim Shaholli ka deklaruar para hetuesve se gjithçka ndodhi papritmas dhe ai ende nuk e besonte se kishte vrarë gruan e tij.
“U zumë siç zihemi gjithnjë. Unë e shtyva dhe ajo më shtyu dhe në një moment ajo humbi ekuilibrin dhe ra në tokë, ku ju ça koka. Nuk e di si ndodhi. Ende nuk e besoj që ajo ka vdekur”, ka deklaruar në gjendje shoku bashkëshorti 42-vjeçar.
Adriana Shaholli 40 vjeçe, nënë e një djali dhe 5 vajzave gjeti vdekjen në spital nga plagët e marra në kokë si pasojë e dhunës së ushtruar nga bashkëshorti, një i papunë dhe përdorues i rregullt i alkoolit, që për shkak të xhelozisë së sëmurë i kërkonte viktimës dhe të braktiste punën e të qëndronte e mbyllur në shtëpi, pavarësisht se ishte e vetmja që siguronte të ardhura për familjen nga puna e gjetur vetëm pak muaj para vrasjes.
(F.GJ/FAXWEB.AL)
