Policia në Dibër ka bërë të mundur mbrëmjen e djeshme arrestimin e autorit të dyshuar të vrasjes së Elsi Kosiqit në Maqellarë.
Binznesmeni 32-vjeçari u ekzekutua në oborrin e shtëpisë së tij mesnatën e së hënës, ndërsa raportohej se sapo ishte kthyer nga Maqedonia.
Për këtë vrasje policia ka arrestuar Mahmut Gega, banues në njësinë administrative Shupenzë. Policia dyshon se vrasja ka ndodhur për motive të dobëta.
Paraprakisht dyshohet se shkaku është për konflikte për motive të dobëta. Policia thotë se për shkak të hetimeve nuk bëjnë me dije të dhëna të tjera dhe rrethana të ngjarjes.
Kosiqi dhe vëllezërit e tij, pasi kishin punuar për disa vite në emigracion ishin kthyer në vendlindje, ku kishin ndërtuar dhe një hotel në zonën e llixhave.
(E.K/FAXWEB)
