Pak ditë pas ngjarjes së rëndë të shënuar në fshatin Velçan të Pogradecit, ku një 23-vjeçare vrau me dru pas koke bashkëshortin dhe më pas u vetëhelmua, ka reaguar sërish babai i 26-vjeçarit, i cili ka dhënë një version tjetër të ngjarjes.
Babai i Erzent Torrës, Avni Torra, i cili u kthye nga Amerika për t’i dhënë lamtumirën çiftit të ri ka shprehur dyshimet se burrë dhe grua janë vrarë. Burime për një gazetë të përditshme, bëjnë me dije se ai nuk mundet të përcaktojë shkakun dhe të shprehë emra konkretë, por ka kërkuar që policia të hetojë.
Ai ka theksuar se i biri Erzen dhe bashkëshortja e tij Fatbardha, kishin marrëdhënie shumë të mira me njëri-tjetrin.
“Fatbardha ishte shumë e urtë dhe e qeshur, nuk mund ta besoj kurrë që ajo ka vrarë tim bir e më pas veten. Kam dyshime te persona të tjerë, por se kush mund të jenë këta, le t’i gjejë Policia”, është shprehur Avni Torra. (XH.A/SHUPLAKA)
Discussion about this post