Salkie Hoxhallari, 73 vjeçe dhe i biri, Olsi 43 vjeç u vranë nga nusja e tyre, në bashkëpunim me një person tjetër. Pas goditjes me sëpatë, banesës së tyre iu vu flaka duke e raportuar ngjarjen si aksidentale fillmisht.
Gjurmët u fshehën, nga ana e autorëve, e megjithatë ekspertët arritën që të rindërtonin skemën dhe të nisnin hetimet për vrasje.
Hysnie Hoxhallari, 32 vjeçe, banuese në Vlorë dhe Kasëm Pirjasi, 26 vjeç, banues në Strum, Fier janë arrestuar nga Policia gjatë ditës së djeshme. Çifti Hoxhallari kishte një djalë të vogël, ndërsa Olsi herë pas here shkonte dhe si emigrant në Greqi.
Po çfarë deklaronte Hysnie Hoxhallari kur pyetej nga mediat në lidhje me ngjarjen:
“Rreth orës 11:30 minuta e lashë tim shoq dhe vjehrrën duke parë televizor dhe kalova në dhomën tjetër për të fjetur. Nuk kam dëgjuar asgjë. Rreth orës 4 të mëngjesit më zgjoi një si zhurmë, shpërthim, pashë tym e flakë dhe thirra menjëherë komshinjtë për ndihmë.
Kur shkova, derën e gjeta të mbyllur nga brenda dhe e hapa me forcë. Kur hyra brenda në dhomë, i gjeta të dy pa shenja jete, ndërsa orenditë ishin djegur thuajse të gjitha”, shprehej ajo në muajin Janar, në përpjekje për të fshehur krimin.
(E.K/FAXWEB)
https://www.youtube.com/watch?v=SAHPrW310_Q
Discussion about this post