Vrau burrin e pastaj veten, ky është çifti i ri që u gjet i pajetë në banesë. Rrëfehet vëllai i 26-vjeçarit

Detaje të reja janë bërë të ditura lidhur me çiftin që u gjet i pajetë në kasollen pranë banesës në fshatin Velçan të Pogradecit.

Krimi në familje i shënuar pak pas mesnate, i mori jetën 26-vjeçarit Erzen Tora fillimisht, i cili u qëllua në kokë me dru nga bashkëshortja, duke i shkaktuar vdekjen e menjëhershme. Më pas, Fatbardha Tora 23 vjeçe u vetëhelmua.

Në një rrëfim të bërë sot, vëllai i Erzen Torës, shprehet se nuk dihen shkaqet e kësaj ngjarje të rëndë që i ka tronditur të gjithë. Ai tregon se çifti nuk kishte probleme ekonomike dhe jetonin në banesën e tyre me dy fëmijët.

Pas gjetjes së trupave të pajetë, ai ka rrëfyer se vajzën 3 vjeçe të çiftit e gjeti tek komshija, ndërsa djalin 9-muajsh, të vetëm brenda banesës.

“Ngjarja e rëndë na ka shokuar të gjithëve. Nuk kishin probleme, as financiare. Jetonin në banesë të vetëm së bashku me dy fëmijët e tyre. Dje Erzeni më dërgoi mesazh “Hajde tek tokat bujqësore”. Shkova tek tokat por nuk ishin gjë, i gjeta tek kasollja. Vajza 3 vjeçe ishte tek komshija, djali 9 muajsh në banesë. Nuk e di se çfarë i ka shtyrë për të bërë këtë akt.”, mësohet të ketë thënë vëllai i 26-vjeçarit. (XH.A/SHUPLAKA)

(Fatbardha dhe Erzen Tora)