Një grua e dënuar në burgun e grave në Tiranë, ka tentuar t’i japë fund jetës duke u vetëhelmuar. Ngjarja ka ndodhur vetëm pak ditë më parë, në tualetet e Burgut 325 te rruga “Idriz Dollaku”.
Policia bën me dije se 38 vjeçarja Mirela Buzalli, e cila është edhe nënë e tre fëmijëve, ka tentuar të vetëvritet duke konsumuar një sasi të konsiderueshme klori në mjediset e brendshme të burgut.
Gazeta Panorama shkruan se Buzalli është dërguar me urgjencë në spital, ku pasi ka marrë gjithë mjekimin e nevojshëm, është rikthyer përsëri në qelinë e saj.
Kujtojmë se Mirela Buzalli është dënuar me 16 vjet burg për vrasjen e bashkëshortit të saj, Shkëlzen Buzallit.
Ngjarja e rëndë ka ndodhur në korrik të vitit 2016-të në Barbullush të Shkodrës. Buzalli e ka goditur bashkëshortin e saj disa herë me sëpatë, ndërkohë që ai flinte.
Sipas të dhënave të policisë të para një viti, vrasja ka ndodhur në të njëjtën dhomë ku po flinte edhe fëmija më i madh i familjes Buzalli, djali 12-vjeçar.
Sipas gruuas, bashkëshorti i saj e kishte dhunuar disa herë, madje edhe në sy të fëmijëve dhe ajo nuk kishte mundur ta përballonte më atë gjë.
Madje akuzonte edhe vjehrrën për marrëdhëniet e acaruara mes saj dhe bashkëshortit. Sipas Mirela Buzallit, vjehrra nuk e donte për shkak se ajo i përkiste një tjetër besimi fetar. (D.D/Shuplaka)
