Është ekstraduar nga Anglia, Avni Metra 53 vjeç, i akuzuar me 25 vite burg për vrasjen e dy vëllezërve Nevruz dhe Kadri Xhetani në 1997 në Burrel. Ekstradimi i tij u krye pas bashkëpunimit me Interpol Mancester.
Gjashtë muaj më parë, një gjykatë në Britaninë e Madhe vendosi të ekstradojë Avni Metrën, që sipas gazetës “The Sun”, kishte hyrë ilegalisht në Britaninë e Madhe.
Gazetarët britanikë shkuan në shtëpinë e tij dhe i raportuan se ishte një person që po kërkohej nga drejtësia shqiptare, por Metra nuk i pranoi akuzat duke pretenduar se ishte shtetas kosovar.
I dënuar në mungesë, Avni Metra ishte në listën e më të kërkuarve në Interpol, ndërkohë që rezultoi i pajisur me pasaportë angleze nën identitet të rremë në ‘98-ën, duke u shtirur si refugjat lufte nga Kosova. Ai dyshohet se ka punuar në të zezë dhe ka përfituar shuma të mëdha parash, i përfshirë në disa raste dhe në çështje prostitucioni.
Në një intervistë të dhënë për “Daily Mail” , ish-bashkëshortja e shqiptarit rrëfeu se Avni Metra e kishte përdhunuar vazhdimisht gjatë martesës 14-vjeçare, duke u shprehur se burgu për një monstër si Metra është shumë pak, dhe se ai duhet të digjet i gjallë për krimet e tmerrshme që ka kryer. (XH.A/SHUPLAKA)
Discussion about this post