Vrau fqinjin “për nder”, gjykata lë në burg 37-vjeçarin Ndue Zefi

Gjykata e Durrësit lë në burg 37-vjeçarin Ndue Zefi, i akuzuar për vrasjen e fqinjit të tij Martin Ndreca 4 ditë më parë.

Me kërkesë të Prokurorisë së këtij rrethi Gjykata ka dhënë masën “arrest me burg” duke e vlerësuar si të ligjshëm ndalimin e tij më datë 26 shkurt.

Ndue Zefi akuzohet për “Vrasje në rrethana cilësuese” dhe “Mbajtje pa leje dhe prodhimi i armëve, armëve shpërthyese dhe i municionit”, të parashikuara nga nenet 79/1/dh dhe 278/1 i Kodit Penal.

Ngjarja për të cilën akuzohet Zegi ndodhi më 24 shkurt, në orët e para të mëngjesit ku pranë banesës së tij u gjet i bdekur Martina Ndreca (lexo këtu). Autor u identifikua Ndue Zefi cili u vetëdorëzua në policinë e Shkodrës pak ditë më pas ndërsa deklaroi se e kishte vrarë “për nder” Ndrecajn (lexo këtu).