Është zbardhur dëshmia e të riut Redmond Gruda që vrau gjatë ditës së djeshme në Durrës gjyshen e tij, dhe më pas telefonoi urgjencën duke thënë që ishte e sëmurë.
21-vjeçari pranon autorësinë e krimit duke thënë se ka pasur një konflikt gjatë ditës së djeshme me gjyshen e tij, dhe në gjaknxehtësi e sipër ka goditur gjyshen e tij. Sipas policisë i riu ka tentuar që të fshehë provat në banesë.
‘’Gjyshen e godita në gjaknxehtësi e sipër. Kisha debate të vazhdueshme me të, që kur më ka vdekur babi nuk kemi shkuar mirë me të”, është shprehur i riu përpara hetuesve.
Ndërkohë burime nga policia bëjnë me dije se i riu ka qenë përdorues droge, dhe se sherri ka nisur në momentin kur e moshuara nuk i ka dhënë para për të blerë lëndën narkotike.
Njoftimi i policisë për ngjarjen:
Specialistët për Hetimin e Krimeve në Komisariatin e Policisë Durrës pas një pune të mirëfilltë hetimore kanë bërë të mundur zbardhjen e plotë të ngjarjes së ndodhur në lagjen Nr.16 ku u gjet e vdekur në banesë shtetësja F.Sh. 81 vjeçe.
Është arrestuar në flagrancë nipi i shtetases së mësipërme si autor i dyshuar i ngjarjes, shtetasi R. G, 21 vjeç, banues në Durrës.
Gruda, dyshohet se mesditën e datës 27.09.2018, por motive të dobëta ka goditur disa herë me thikë në kokë gjyshen e tij, e cila si pasojë e plagëve të marra ka gjetur vdekjen e menjëhershme.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale” Vrasja për shkak të marrëdhënieve familjare”, parashikuar nga neni 79/c të Kodit Penal.
(E.K/FAXWEB.AL)
Discussion about this post