Vrau gruan duke e mbytur me duar, gjykata jep masën e sigurisë ndaj 53-vjeçarit

Gjykata e Krimeve të Rënda ka vendosur masën “arrest me burg” për Teodor Lerën, i cili pak ditë më parë e mbyti me duar bashkëshorten e tij Etleva Lera 45 vjeçe.

Pas vrasjes së bashkëshortes, Teodor Lera tentoi të vetëvritej duke prerë damarët e dorës, por i shpëtoi vdekjes në spital.

Sipas deklaratave të publikuara ata kanë pasur konflikte të mëparshme dhe njëpasnjëshme.Disa kohë më parë, çifti i bashkëshortëve përfundoi në polici, pasi burri i kishte dhunuar të shoqen Evën. Ngjarja ka ndodhur në katin e parë të një pallati pranë komisariatit të policisë së qytetit bregdetar. Pas sherrit burri ka mbytur me duar gruan dhe më pas ai ka prerë damarët.

Kanë qenë fqinjët, që pasi kanë dëgjuar zhurmat kanë lajmëruar me shpejtësi policinë. Çifti ishin prindër të tre fëmijëve, dy vajzave dhe një djali. Një prej vajzave jeton në Amerikë, djali në Angli dhe vajza tjetër në Tiranë ku ishte studente.

(M.Q/Faxweb.al)