Para pak ditesh në Prishtinë ndodhi një ngjarje e rëndë. Gjatë një tentative për grabitje pronari i banesës që ishte piksynim të grabitej ka qëlluar armë duke e vrarë njerin prej hadutëve dhe duke plagosur tjetrin që e shqëronte në këtë tentativë.
Polcia ndërhyri duke bërë shqërimin e pronarit të bënesës dhe ka nisur hetimet për shpjegimin e situatës. Pronari me vendim të prokuroritt u la në shtëpi.
Ndërkohë Kryeprokurori i Prokurorisë Themelore në Prishtinë, Imer Beka, ka sqaruar se çfarë do të ndodhë me pronarin e shtëpisë në lagjen “Veternik” në Prishtinë, i cili vrau një person që po tentonte të vidhte në shtëpinë e tij.
Për këtë rast, kryeprokurori ka thënë se do t’i lënë provat ta orientojnë hetimin.
“Do të vazhdojë procedura hetimore. Do të merren parasysh të gjitha rrethanat, provat. Ne jemi duke punuar. Personi nuk është ndaluar, është në shtëpi dhe ne konsiderojmë që ka elemente për siguri, të vëtmbrojtjes. Këtë element e njeh kodi ynë penal. Nuk është aplikuar shumë në Kosovë, por tash si duket është mundësia. Nuk guxojmë të flasim kaq herët, sepse tash do të na orientojnë provat”, ka thënë Beka.
Beka tha se pronari i shtëpisë i cili e kreu vrasjen, nuk duhet të ndjehet i pafajshëm.
“Fajsinë apo pafajsinë e tij vetëm gjykata do ta vendosë. Ai nuk lirohet nga përgjegjësia e vrasjes, por pafajësinë duhet ta dëshmojë vetë ai në gjykatë. Faktin se ai nuk është ndaluar nuk duhet të keqkuptojmë, edhe ai është nën hetime”, ka thënë Beka.
Pronari i shtëpisë në Veternik i cili e vrau hajnin është në liri për shkak se prokurori kishte konstatuar fillimisht që veprimin e ka bërë për t’u vetëmbrojtur.
Por avokati i Ridvan Beqirit, i cili para tre ditesh vrau një person i cili kishte hyrë në pronën e tij për të vjedhur, në lagjen ‘Veternik’ të Prishtinës, thitë se duhet të trajtohet si palë e dëmtuar.
Avokati Besnik Berisha në një prononcim ka bërë të ditur se ai është tashmë i angazhuar në këtë rast dhe se pret që sa më shpejtë të kapen edhe tre personat e tjerë të cilët ishin të përfshirë në vjedhjen e pronës së Beqirit.
“Po jam angazhuar në mbrojtje të z. Beqiri, i bindur se ai është viktimë e këtij rasti. Unë pres që z. Beqiri të trajtohet në cilësi të palës së dëmtuar nga fillimi e deri në fund të këtij procesi dhe po ashtu pres që të kapen dhe të sillen para drejtësisë edhe personat tjerë të involvuar në grabitjen që rezultoi me një të vrarë”, tha Berisha.
Avokati Berisha thotë se ky rast meriton vëmendjen e institucioneve të drejtësisë teksa shton se agresorët herët apo vonë duhet përgjigjur për veprimet e tyre.
“Ky rast meriton vëmendjen e institucioneve të drejtësisë dhe të gjitha institucioneve të sigurisë, në mënyrë që të përçohet mesazh i qartë për këdo se viktimat gëzojnë mbrojtje, ndërsa agresorët herët a vonë përgjigjen për veprimet e tyre, që nganjëherë mund të jetë dhe me jetën e tyre. Unë natyrisht se ndjej keqardhje për secilën jetë njeriu të humbur, e në veçanti në rrethana të tilla, por e keqja që i ishte kanosur z. Beqiri ishte e paprovokuar dhe mund të rezultonte me vdekjen e tij apo personave të tjerë të pafajshëm” shtoi ai, shkruan Blic.
“Kosova është shndërruar oazë për hajna të kalibrit të ndryshëm dhe kjo gjendje duhet të ndryshojë para se të kemi edhe viktima të tjera”, shprehet avokati Berisha.
