Është arrestuar në Londër një shqiptar i dënuar me burgim të përjetshëm për vrasje. I arrestuari është 34-vjeçari Granit Shehu, i shpallur fajtor për vrasjen e djalit të xhaxhait të tij 4 vjet më parë.
Krimi ndodhi në vitin 2015 në zonën e Bathores, ku Shehu qëlloi për vdekje kushëririn e tij Milazim Shehun, pas dyshimeve se e bija i kishte grabitur 12 mijë lekë.
Shqiptari u arrestua në periferi të kryeqytetit britanik dhe pritet që më 26 Shkurt, gjykatësit të vendosin ekstradimin e tij drejt Shqipërisë.
Mediat britanike bëjnë me dije se Policia ka qenë prej kohësh në kërkim të Shehut dhe dyshohet se shqiptari ka pasur lidhje të forta në ishull në Londër, Eastbourne, Leeds apo dhe Midlandsin Perëndimor.
Gjithsesi Policia kishte kërkuar gjatë kërkimeve dhe ndihmën e qytetarëve për lokalizimin dhe gjetjen e shqiptarit.
(E.K/FAXWEB.AL)
Discussion about this post