Nga burgim i përjetshëm, 35 vjet burg për Qamil Çelhakën. Ky është vendimi i Gjykatës së Kavajës për autorin e vrasjes së kushëririt Fatmir Çelhaka dhe plagosjen rëndë të Yllson Isufit. Bëhet fjalë për një ngjarje të ndodhur në 2 Dhjetor të 2016-ës.
Konflikti për një plep, e shtyu Qamil Çelhakën të godiste me sëpatë kushëririn e tij, i cili ndërroi jetë pas dëmtimeve të marra.
Ngjarja
Konkretisht viktima Fatmir i kishte marë shtetasit Çlirim Nasufi dhe Yllson Isufi që ta ndihmonin për të prerë disa drynj tek tokat e tij në fshatin Çikallesh. Kështu rreth orës 08:00, i pandehuri Qamil ka dalë nga shtëpia dhe ka parë të ndjerin Fatmir Çelhaka pasi pretendonte se drurët dhe konkertisht një dru i llojit qarr, që po pritej nga i ndjeri dhe personat e tjerë në ndihmë të tij, ishte i tiji, në tokën e tij. Në këtë kohë i pandehuri Qamil ka filluar të debatojë me viktimën Fatmir duek i kërkuar që të mos e presin drurin e llojit qarr sepse ishte në tokën e tij. Pas kësaj duke qënë se viktima Fatmir nuk ka pranuar dhe ka vijuar punën, i pandehuri Qamil Çelhaka ka marë një sopatë dhe ka goditur në kokë viktimën Fatmir Çelhaka dhe fill më pas duke vijuar veprimet e tij kriminale ka goditur me sopatë edhe shtetasin Yllson Isufi i cili ishte pranë shtetasit Fatmir dhe kishte ndërhyrë për t’i ndarë.
Detaje të Prokurorisë:
Gjykata e Kavajes ka pranuar kerkesen e Prokurorise se Kavajes dhe ka denuar me burgim te perjetshem te pandehurin Qamil Çelhaka, i akuzuar per vrasjen me sopate te shtetasit Fatmir Çelhaka, si edhe per vrasjen e mbetur ne tentative, duke lene plagosur rende shtetasin Yllson Isufi. Ngjarja ka ndodhur ne 2 Dhjetor 2016 dhe konflikti mes personave ka nisur per prerjen e nje druri.
Gjate shqyrtimit gjyqesor, gjykata pranoi kerkesen e te pandehurit per gjykim te shkurtuar dhe, ne keto kushte, ai perfiton uljen me 1/3 e denimit, duke u shpallur fajtor dhe denuar perfundimisht me 35 vjet burgim.
Ne baze te veprimeve proceduriale te Prokurorise se Kavajes, rezulton se:
Me dt.06.12.2016, në fshatin Çikallesh shtetasi Qamil Çelhaka, gjatë një konflikti për motive të dobëta ka goditur me sopatë shtetasin Fatmir Çelhaka i cili për pasojë ka gjetur vdekjen nga dëmtimet e mara. Gsjithashtu shtetasi Qamil Çelhaka ka goditur me sopatë edhe shtetasin Yllson Isufi i cili është dërguar menjëherë pas ngjarjes në spitalin e traumës në QSUT në gjëndje të rëndë.
Kështu nga tërësia e materialit hetimor të administruar në fashikull rezulton se në dt.06.12.2016, rreth orëve të para të mëngjesit viktima Fatmir Çelhaka së bashku me shtetasit Çlirim Nasufi dhe Yllson Isufi, (punetore) kanë shkuar në fshatin Çikallesh, ku viktima Fatmir kishte shtëpinë e vjetër dhe tokat e tij të cilat kufizohen me shtëpinë e të pandehurit Qamil Çelhaka. Konkretisht viktima Fatmir i kishte marë shtetasit Çlirim Nasufi dhe Yllson Isufi që ta ndihmonin për të prerë disa drynj tek tokat e tij në fshatin Çikallesh. Kështu rreth orës 08:00, i pandehuri Qamil ka dalë nga shtëpia dhe ka parë të ndjerin Fatmir Çelhaka pasi pretendonte se drurët dhe konkertisht një dru i llojit qarr, që po pritej nga i ndjeri dhe personat e tjerë në ndihmë të tij, ishte i tiji, në tokën e tij. Në këtë kohë i pandehuri Qamil ka filluar të debatojë me viktimën Fatmir duek i kërkuar që të mos e presin drurin e llojit qarr sepse ishte në tokën e tij. Pas kësaj duke qënë se viktima Fatmir nuk ka pranuar dhe ka vijuar punën, i pandehuri Qamil Çelhaka ka marë një sopatë dhe ka goditur në kokë viktimën Fatmir Çelhaka dhe fill më pas duke vijuar veprimet e tij kriminale ka goditur me sopatë edhe shtetasin Yllson Isufi i cili ishte pranë shtetasit Fatmir dhe kishte ndërhyrë për t’i ndarë. Menjëherë pas përfundimit të veprimit kriminal autori Qamil Çelhaka është larguar nga vendi i krimit ku është mëndësuar më pas gjetja e tij, nëpërmjet metodave të kërkimit, përgjimit. Shtetasit Fatmir Çelhaka dhe Yllson Nasufi janë dërguar menjëherë në spitalin e Kavajës fillimisht, ku shtetasi Fatmir Çelhaka ka ndërruar jetë, ndërsa shtetasi Yllson Isufi është dërguar në spitalin e traumës Tiranës, në gjendje të rëndë shëndetësorë.
Në cilësinë e provës materiale gjatë kqyrjes së vendit të ngjarjes është sekuestruar edhe sopata, pra mjeti me të cilin i pandehuri Qamil Çelhaka ka kryer krimin.
Në dt.27.12.2016, është vendosur kryerja e ekspertimit psikiatriko-ligjor për personin nën hetim Qamil Çelhaka dhe nga akti i ekspertimit nr.69, dt.27.02.2017 ka rezultuar se:
Shtetasi Qamil Çelhaka rezulton se nuk plotëson kriteret për sëmundje të shëndetit mendor. Në asnjë rast shtetasi Qamil Çelhaka nuk është udhëhequr nga elementë të psikozës apo të mos ketë kuptuar veprimin që kryen dhe pasojat që rrjedhin prej tij, duke qënë në këtë mënyrë i përgjegjshëm para ligjit.
Sa më lart, nga tërësia e materialeve të administruara në fashikull, veprimet e kryera, provat e administruara, etj, rezulton tërësisht e provuar se i pandehuri Qamil Çelhaka ka konsumuar tërësisht veprën penale të ‘Vrasjes në rrethana të tjerë cilësuese’, ndaj shtetasit Fatmir Çelhaka dhe mbetur në tentativë ndaj shtetasit Yllson Isufi, të parashikuar nga neni 79/dh i Kodit Penal.
