Autoritetet greke më në fund japin vendimin për Klodian Lesin, shqiptarin i cili një vit më parë vrau gruan greke dhe u arratis për 18 ditë me djalin e tij të vogël.
Pas një procesi gjyqësor i cili zgjati më shumë se një muaj dhe që pati disa ndërprerje, gjykata ka vendosur burgim të përjetshëm për shqiptarin.
Në fillim të janarit 2016-ës, Lesi kishte vrarë me thikë bashkëshorten. Ngjarja e rëndë ka ndodhur në fshatin Ormilos të Halkidikisë. Pas një debati me të më 6 janar, Lesi kishte rrëmbyer një thikë dhe e kishte goditur disa herë bashkëshorten me të cilën jetonin të ndarë prej disa kohësh. Pas krimit kishte marrë me vete djalin 4 vjeç dhe ishte larguar. Ai u arrestua më 24 janar, shumë afër vendbanimit të tij.
Në gjyq, shqiptari është shprehur se nuk mbante mend asgjë, madje u ka kërkuar falje familjes së viktimës, me arsyetimin se nuk ka qenë i vetëdijshëm në momentin e krimit. (D.D/Shuplaka)
