Vrau mjekun në Shkodër, pas 12 ditësh arrati dorëzohet autori

Pas një sherri për pronën, Dritani Ymeri vrau pak ditë më parë mjekun nga Shkodra Ilir Alija.

29-vjeçari. fshihej prej 12 ditësh, dhe arriti që të arratisej në mënyrë spektakolare kur Policia e rrethoi më datë 1 korrik në banesën e tij.

Policia thotë se ai u dorëzua pas negociatave të pandërprera me familjen e tij.

Njoftimi i policisë:

Pas  kontrollove të shumta të kryera nga forcat policore,  pamundësisë për tu larguar  falë masave të marra nga Policia e Shkodrës në bashkëpunim me Policinë Kufitare  dhe Drejtoritë Vendore të tjera të Policisë , si dhe pas  negociatave  të pandërprera me familjarët,  është  vetdorëzuar në Drejtorinë Vendore të Policisë Shkodër,  autor i vrasjes së  shtetasit I. A., ngjarje e ndodhur  më datë 01.07.2017, shtetasi Dritan Ymeri, 29 vjeç, lindur dhe banues në lagjen “Perash” të qytetit Shkodër.

Gjykata e Rrethit Gjyqësor Shkodër , ndaj këtij shtetasi , ka caktuar masën e sigurisë ” Arrest në burg” për veprën penale “Vrasje me dashje”, “Prodhimi dhe mbajtja pa leje e armëve luftarake dhe municionit”,  parashikuar nga nenet 76 e 278  të Kodit Penal.

(S.SH/Shuplaka)