Detaje të reja bëhen të ditura lidhur me krimin e rëndë të shënuar në Xhafzotaj të Durrësit, ku Leo Nika 29 vjeç qëlloi me armë zjarri të dy prindërit e tij.
Prindërit Ali Nika 70 vjeç dhe Junije Nika 66 vjeç, nuk mundën t’u rezistojnë plagëve të marra. Nga informacionet e para, u dyshua se në momentin e arrestimit 29-vjeçari kishte qenë i dehur dhe i kishte qëlluar prindërit pas një sherri me ta.
Të afërm të familjes u shprehën për “DurrësLajm” se autori jetonte më shumë në shtëpinë e nuses dhe sipas fjalëve që qarkullonin në fshat, ai luante bixhoz. 29-vjeçari flitet se kishte pak vite që ishte kthyer nga Italia ku ishte emigrant.
(XH.A/SHUPLAKA
