Vrau të dashurën në ”Don Bosko”, kush është i riu që qëlloi dhe veten. Ç’fiksuan kamerat e sigurisë

Një ngjarje e rëndë ka ndodhur mëngjesin e sotëm në Tiranë, ku një djalë i ri ka qëlluar për vdekje një vajzë të re dhe më pas edhe veten.

Kanë qenë dëshmitarët e rastit ata që kanë njoftuar policinë lidhur me ngjarjen e rëndë. Fillimisht u raportua se vajza ka ndërruar jetë në vend, ndërsa gjendja e të riut paraqitet mjat e rëndë.

Sipas Policisë autori i ngjarjes është Xhaferr Mata, i cili ndodhet në gjendje të rëndë në spitalin e Traumës. Viktima sipas policisë është Xhuljeta Çuni, 19-vjeç.

Ngjarja ka ndodhur në zonën e Don Boskos, ndërsa ka pak detaje lidhur me rrethanat që kanë çuar në këtë ngjarje të rëndë.

Nga kamerat e bizneseve aty pranë shihet se djali kishte disa minuta që po e priste vajzën e re. Policia ndodhet në vendin e ngjarjes dhe po punon për zbardhjen e rrethanave të këtij krimi të rëndë.

Policia thotë se paraprakisht mendohet se kemi të bëjmë me një krim pasioni, pasi dy të rinjtë kanë pasur lidhje mes tyre.

Detajet e policisë:

Më datë 08.06.2018, rreth orës 08:10, në zonën e Don Boskos, ne rrugen “Eshref Frasheri”, shtetasi Xh.M., 31 vjeç dyshohet se ka qëlluar me armë zjarri pistolete shtetasen Xh.Ç., rreth 19 vjeçe, e cila ka ndëruar jetë në vendngjarje.

Autori më pas ka qëlluar dhe veten me armë zjarri ku aktualisht është transportuar ne spital ne gjendje te rende per jeten. Grupi hetimor ndodhet në vendngjarje dhe po punon për zbardhjen e rrethanave dhe shkaqeve të ngjarjes.

(E.K/FAXWEB.AL)