Vrau të dashurin e motrës dhe kushëririn e tij/ Gardianit të burgut i shkrumbojnë banesën në Patos (Video)

Një banesë është përfshirë nga flaket në fshatin Kuqar të Patosit mbrëmjen e djeshme.

Burime bëjnë me dije se shtëpia që është shkrumbuar nga flakët është ajo e gardianit të burgut Martin Skendaj, i cili ndodhet në burg si autor i dyshuar për vrasjen e dy të rinjve në ambientet e ambulancës.

Skendaj vrau  Elis Kapaj dhe Manol Rrapaj, pasi ky i fundit dyshohej se kishte një lidhje intime me motrën tij.

Në vendin e ngjarjes kanë shkuar zjarrfiksët e Patosit dhe policia, teksa mesohet se banesa është shkrumbuar plotësisht. Nga ngjarja nuk ka patur të lenduar pasi familja Skendaj e kishte braktisur banesën pas krimit.

Familja e Martin Skendaj, ishte fqinje me njërin prej viktimave. Nga policia ende nuk ka njoftim zyrtar për shkaqet e rënies së zjarrit.

“Më ndave motrën nga burri”, zbulohet fotoja e gardianit Skëndaj, vrau komshiun dhe shokun e tij