Është arrestuar në zonën e Dukagjinit Nik Lulashi 55 vjeç, i cili ishte shpallur në kërkim për vrasjen e shtetasit Tahir Bajraktari. Ngjarja ndodhi më 18 shtator të 2018 në fshatin Doberdolit në Tropojë. (lexo edhe këtu)
Kujtojmë se Lulashi kishte shkuar për të kryer disa punime në banesën e Bajraktarit në Tropojë, dhe pas një konflikti mes tyre situata ka degjeneruar në një krim të tillë të rëndë.
Njoftimi i Policisë:
Nga strukturat e Komisariatit të Policisë Shkodër në bashkëpunim me Drejtorinë Vendore të Policisë Shkodër në bazë informacioneve të siguruara në rrugë operative dhe pas një pune të mirëorganizuar, kapet dhe ndalohet në fshatin Bregu Lumit, në Dukagjin, shtetasi i shpallur në kërkim: N. L., 55 vjeç, banues në Tropojë.
Kapja dhe ndalimi i tij u bë pasi është autori i dyshuar i vrasjes së shtetasit T. B., ngjarje e ndodhur më datë 18.09.2018, në bjeshken e Doberdollit, Tropojë.
Gjykata e Rrethit Tropojë me vendim nr. 35 datë 25.09.2018 ka caktuar masën sigurisë “Arrest në burg”, për veprat penale “Vrasja me dashje” dhe “Mbajtja pa leje dhe prodhimi i armëve, armëve shpërthyese dhe i municionit” .
Ky shtetas do i dorëzohet shërbimeve të D. V. P. Kukës për veprime të mëtejshme.
(E.K/Faxweb.al)
Discussion about this post