Vret veten djali i Tina Turner-it, ende asnjë reagim nga këngëtarja

Djali i Tina Turner, Craig Raymond, është ndarë nga jeta në moshën 59-vjeçare.

Mësohet se Raymond ka kryer vetëvrasje, ndërkaq lajmin e kanë konfirmuar për Variety nga Mjekësia Ligjore e Departamentit të Qarkut të Los Angeles.

Ai u gjet pa shenja jete mesditën e së martës në shtëpinë e tij në Studio City të Kalifornisë, pas një plage që ishte shkaktuar nga e shtëna e një arme.

Turner e kishte Craig-un me të dashurin e atëhershëm, Raymond Hill, saksofonistin e Kings of Rhythm.

Ndërkaq derimë tani nuk ka asnjë deklaratë nga vetë këngëtarja, e cila prej vitesh jeton në Zvicër.

(E.K/FAXWEB.AL)