Vret veten me plumb në kokë, shqiptari gjendet i vdekur në ballkonin e shtëpisë

Një njarje e rëndë është shënuar ditën e sotme në Itali, një shqiptar është gjetur i vdekur në ballkonin e shtëpisë së tij .

Ngjarja ka ndodhur në Borgosatollo në zonën e Breshias, teksa shqiptari me nënshtetësi italiane është gjendur i vdekur nga të afërmit dhe miqtë që e kërkonin, pasi nuk kishin asnjë informacion për vendndodhjen e tij dhe ishin shqetësuar.

Sipas mediave vendase në raportin e ekspertizës, shqiptari rreth 40 vjeç, identiteti i të cilit nuk bëhet i ditur ka mbetur i vdekur nga një plagë me armë zjarri tip pistoletë në kokë.

Ndërkohëe ende  nuk dihen shkaqet dhe motivet e ngjarjes, por paraprakisht dyshohet se shqiptari ka vrarë veten me një plumb në kokë për shkak të depresionit lidhur me çështjet sentimentale.

(S.SH/Shuplaka)