Vritet me armë zjarri një 60-vjeçar në Mat, dyshohet për hakmarrje (EMRI)

Një vrasje ka ndodhur mbrëmjen e sotme në Mat. Shtetasi Hajredin Lleshi i moshës 60-vjeç mësohet se ka humbur jetën nga plagët e marra.

Vrasja me armë zjarri ka ndodhur në fshatin Rukaj. 60-vjeçari është qëlluar me breshëri automatiku. 

Dyshimet e para për ngjarjen janë se vrasja ka ndodhur për hakmarrje. Mësohet se Lleshi është vrarë teksa po hynte në shtëpinë e tij. Njoftohet se deri tani nuk ka asnjë person të arrestuar për ngjarjen.

Rreth 4 vite më parë, me të njëjtën mënyrë vrasjese është ekzekutuar edhe vëllai i viktimës së sotme, Xhavit Lleshi. Në vitin 2013, 48-vjeçarit Xhavit Lleshi iu zu pritë për herë të dytë dhe u qëllua për vdekje me 15 plumba.

Ngjarja e rëndë në atë kohë ndodhi në fshatin Pujt të Matit, kur persona të paidentifikuar i zunë pritë automjetit të Xhavitit, duke e  qëlluar me breshëri automatiku. Një vit para se ta vrisnin, në 2012-n, në po të njëjtin vend, atë e qëlluan me armë por arriti të shpëtonte.

(M.D/Shuplaka)