Zyrtarët afganë thanë se një udhëheqës rajonal i organizatës terroriste Al Kaida është vrarë në një operacion të përbashkët të ushtrisë amerikane dhe asaj afgane, muajin e kaluar, në jug të Afganistanit.
Lajmin e ka konfirmuar agjensia e inteligjencës në Afganistan. Asim Umar, kreu i Al-Qaedës në subkontinentin indian (AQIS) ndërroi jetë në një sulm ndaj një zone në Taliban në provincën Helmand në 23 Shtator.
Në operacion humbën jetën edhe 40 civilë. Shtetet e Bashkuara dhe Al-Qaeda nuk e kanë konfirmuar ende vdekjen e Asim.
Në një deklaratë të publikuar në Tëitter, Drejtoria Kombtare e Sigurisë tha se u vranë edhe disa anëtarë të grupit, ku pjesa më e madhe ishin pakistanez.
Për të bërë më të besueshëm lajmin e vdekjes, Drejtoria shoqëroi shkrimin me fotografinë e Umar të gjallë dhe të vdekur.
Cfarë është Al-Qaeda?
Al-Qaeda është një organizatë terroriste e themeluar nga Osama bin Laden, Abdullah Azzam dhe disa militantë të tjerë, në një pikë në mes gushtit të 1988-ës dhe fundit të 1989-ës, me origjinë që nga Lufta sovietike në Afganistan. Organizata operon si një rrjet që përmban një ushtri multinacionale dhe joshtetërore dhe një grup ekstremist.
