Depresioni dhe ankthi shkaktojnë gjithmonë probleme me shëndetin, ndaj nevojitet që të marrim masa për të moslejuar rëndimin e situatës.
Shpeshherë ndodh që terapitë intensive të mos jenë efektive për trajtimin e këtij problemi, ndaj në këto raste rekomandohet të shikohet niveli i vitaminave D dhe B12 në trupin tonë.
Të dyja këto vitamina luajnë rol të rëndësishëm për neuronet, mirëfunksionimin e tyre.
Mungesa e vitaminës B12 është shkaktare për zhvillimin e shumë problemeve neurologjike që ndikojnë në çrregullime të humorit, ndërsa për mungesën e vitaminës D kohët e fundit është gjetur lidhja e saj me letargjinë.
Dihet që ka një lidhje midis vlerave të ulta të vitaminës D dhe depresionit, por studiuesit ende skanë arritur të zbulojnë shkakun dhe efektin e saktë të saj. Nga ana tjetër, mungesa e vitaminës B12 dhe D mund të mos shkaktohet vetëm si pasojë e mosmarrjes së mjaftueshme të saj nëpërmjet ushqimeve.
“Disa sëmundje të tilla si anemia pernicioze shkaktojnë deficencë të vitaminës B12, për arsye se trupi si pasojë e kësaj sëmundje krijon një proteinë, e cila nuk lejon absorbimin e vitaminës B12.”, përcjell “Matrix Medical & Research Centre”.
Për trajtimin e tyre, në rastet kur vitaminat nuk përthithen, për arsye se ato shkatërrohen në traktin gastro-intenstinal, atëhere këto vitamina mund të merren me anë të sprajve nazalë ose injeksioneve muskulare.
(XH.A/SHUPLAKA)
Discussion about this post