Vuçiç flet ndryshe nga Ivanoviç: Shqiptarët nuk i kam nënvlerësuar, ata duhet të respektohen

Kryeministri Serb Aleksandër Vuqiq, ndryshe nga Lideri i Iniciativës Qytetare serbe SPD, Oliver Ivanoviç, ka deklaruar se nuk i ka nënvlerësuar asnjëherë shqiptarët dhe se duhet të respektohen.

“Unë kurrë nuk i kam nënvlerësuar shqiptarët, ata duhet t’i respektojmë”, tha ai, transmeton Zëri. 

Vuçiç foli edhe për Shqipërinë e Madhe, ai tha se kjo është thjeshtë një ëndërr e shqiptarëve por që nuk do realizohet.

Duke komentuar deklaratat e Haradinajt ai tha se serbët nuk duhet të shqetësohen.

“Serbët nuk duhet të shqetësohen, pasi asgjë nuk do të mund ta krijojë Shqipërinë e Madhe”, -përfundoi ai.

Vuçiç pritet të lërë detyrën si Kryeministër dhe të marrë detyrën e Presidentit pas fitores në zgjedhjet e fundit. (B.H/Shuplaka)