Kryeministri turk Erdogan në intervistën e tij në “Top Story” dhënë dy ditë më parë u shpreh kundër idesë së “Shqipërisë së Madhe”. Lajm ky që është pritur mjaft mirë në Serbi.
Në një intervistë dhënë për televizionin publik atje presidenti serb Vuçiç tha ndër të tjera se i frikësohet “ndryshimeve kushtetuese”, për të cilat thotë se Serbia nuk është ende gati.
“Në preambulën e Kushtetutës serbe Kosova përshkruhet si pjesë përbërëse e Serbisë”,- tha ai.
Vuçiç ka folur edhe për dialogun me Kosovën. “Cilado shumicë të jetë në Prishtinë, s’kemi për të qenë shumë të lumtur, dialogu duhet të vazhdojë për shkak të ekzistencës dhe sigurisë së serbëve”.
Ai ka treguar se Lista Srpska tregoi se mund të marrë 6 për qind të votave dhe se gjithnjë e më shumë fëmijë serbë po lindin në Kosovë.
Vuçiç ka falënderuar qëndrimin e kryetarit turk Rexhep Taip Erdogan i cila ka thënë se “është kundër krijimit të Shqipërisë së madhe”.
“I jam shumë falënderues presidentit turk. Në fillim të korrikut shkoj në një konferencë të rëndësishme në Turqi dhe atje do të takohem me të e me kryetarin e rus Vladimir Putinin.
Është me rëndësi të kemi marrëdhëniet të mira me Turqinë”, ka thënë ai duke shtuar se pas kësaj Erdogan me dy avionë me biznesmenë do të shkojë në Beograd.
(E.K/SHUPLAKA)
