Presidenti i Serbisë, Aleksander Vuçiq ka deklaruar se dialogu teknik ndërmjet Prishtinës dhe Beogradit do të fillojë gjatë muajit shkurt. Ka përmendur datën 26. Ndërsa, në muajin mars do të takohen dy Presidentët, Vuciq e Thaçi në Bruksel.
“Dialogu teknik do të vazhdoj më 26 shkurt. Beogradi do të përfaqësohet nga Marko Gjuriq. Në tryezë të bisedimeve do të jetë Asociacioni i Komunave deri te çështja e diplomave”, ka thënë ai.
Ndërkohë më herët ka sipas mediave kosovare Vuçiç ka thënë se kompromisi me shqiptarët e Kosovës është jetik për interesat e Serbisë dhe popullit serb.
Kompromisi sipas tij nuk duhet anashkaluar. Këtë ai e ka thënë pas një takimi që ka zhvilluar me disa studentë nga Mitrovica e Veriut.
“Askush nuk mund të mendoj që për të arritur diçka me Kosovën dhe Metohinë, mund ta bëjë këtë duke ua ngrehur veshët serbëve”, ka thënë Vuçiq, shkruan Tanjug, përcjell Klan Kosova.
“Nëse dikush do që të hyjë në OKB, duhet të arrij marrëveshje me Serbinë. Kështu për këtë marrëveshje duhet të gjendet një zgjidhje përmes kompromisit”.
“Nuk e shoh që Prishtina të mund të hyjë në OKB pa një kompromis të vështirë, gjithëpërfshirës dhe serioz, të cilin mund të bëjnë me Beogradin dhe Beogradi mund ta bëjë atë”.
(M.Q/Faxweb)
Discussion about this post