Vuçiç për Kosovën: Nuk mund të hyjë në OKB pa u kënaqur edhe Serbia me diçka

Së fundmi presidenti i Serbisë, Aleksandar Vuçiç, në një intervistë për Radiotelevizionin e Serbisë, ka folur sërish për mundësinë e anëtarësimit të Kosovës në Organizatën e Kombeve të Bashkuara.

Ai ka deklaruar se Kosova nuk mundet të hyjë në OKB, pa u kënaqur edhe Serbia me diçka, e kjo, sipas tij, do të thotë që Serbia të mos e njohë Kosovën.

 “Ne nuk mund të kënaqemi nëse na kërkohet njohja e Kosovës. Nuk ka tekst final të marrëveshjes ndërmjet Beogradit dhe Prishtinës, nuk ka karrige të Kosovës në OKB, pa vendim të Serbisë”, ka shtuar Vuçiç.

Më tej ai ka nënvizuar se ka ardhur koha për zgjidhjen e problemit ndërmjet serbëve dhe shqiptarëve. (J.V/Shuplaka)