Kryeministri i Serbisë, Aleksandar Vuçiç, ka zhvilluar pasditen e djeshme një takim me Listën Serbe dhe kryetarët e komunave me shumicë serbe në Kosovë. Në këtë takim, ai i cilësoi si të rënda bisedimet në takimin e së mërkurës zhvilluar në Bruksel.
Vuçiç bëri të ditur se Prishtina zyrtare ka kërkuar shembjen e murit në Mitrovicë, pavarësisht procedurave të rregullimin komunal.
“Madje edhe sipas ligjeve të Kosovës, kjo është nën kompetencat e drejtpërdrejta të vetëqeverisjeve lokale, pra nën kompetencat e Goran Rakiqit nga Mitrovica e veriut. ‘Nuk numërohet’, nuk vlejnë as ligjet e Kosovës. ‘Nuk vlen asgjë, duhet të shembet’. Goran Rakic pranon që të shembet (muri), jo pse mendon keq për popullin e tij ose pse është frikacak, por sepse dëshiron ta ruaj paqen”, ka theksuar ai.
Më tej, kryeministri i Serbisë i ka porositur serbët që të rrinë të qetë, të ruajnë me krenari emrin e tyre, e të mos i braktisin vatrat e tyre. (XH.A/SHUPLAKA)
Discussion about this post